قِصص نجاح

ليان أيوب

السلام عليكم ...

اود ان أسرد لكم مغامرتي الصغيره في المرحله الدراسيه  ، انا اسمي ليان ايوب طالبة من طلاب أكاديمية SOT ...قصتي قد لا تكون ملهمة وقد لا تكون ذات ذلك البعد  الازلي لكنني مررت بها بتفاصيلها الصغيره قبل الكبيره فهي محور حياتي يوما ما ... وفيها عبرة .. ان التقدم والنجاح قد لا يقتصر على مرحله معينه .. وان القيود لاتكون بالامكانيات او الظروف وانما هي افكار تجعلها حبيسي الفشل او الخوف منه.. 

قصتي التي في طياتها العجب العجاب كما لا يستبعد بعده الاستغراب بدأت مع إنتهاء الصف العاشر الذي كنت اعيش فيه جو الانتعاش ويملؤه الصخب والمرح مع صديقاتي إذ انني أواجه أول  قرار يحدد مصيري مستقبلا ألا وهو إختيار المسار في المرحلة الثانويه .. وهنا انا لا اخفاكم انني كنت اميل وبشده إلى فرع الإداره لأنه اقلهم تعقيدا واسهلهم من وجهة نظري لكنني نزلت عند رغبة الأهل واخترت المسار العلمي ولله الحمد - وبدأت مرحله الثانويه وكنا انا وصديقاتي قد خططنا مسبقا ان تكون فترة نقاهة ما قبل التوجيهي ... وذلك ما حدث فعلا.. وفي التوجيهي التفتت كل واحدة منا إلى دراستها وذلك أملا في تحقيق معدل يلبي الطموح ... وقدمت الامتحانات التجريبيه ولكن للظروف الخاصه لم اكمل مسيرتي ولم اتقدم الى الامتحان الوزاري ...

وانقطعت عن الدراسه مدة عام ونصف وترتب عليه ما ترتب من شعور اليأس والإحباط وشعور الذات بالفشل متزامنا مع رؤية صديقاتي في الجامعات وأنا اقبع في أركان المنزل اقلب الكف راجيا فرج من الله قريب. ..

وفي لحظة يأس معتمه لمعت أمام عيناي إعلانات الدبلوم وأنا اصدقكم قولا أنني لم أكن مقتنعه فيها من قريب او بعيد وكان حلمي الذي يعلمه اهلي هي الجامعه الأردنية. .. ورغم ذلك سايرت نفسي وذهبت لأن استفسر عن الدورات التي لم أكن مقتنعه فيها بعد ... فإستقبلتني فتاه جميله المحيا بشوشه وقامت باعطائي فكره عامة عن الدورات وشرحت عن نظام الدبلوم بإسهاب ... وعلمت بعد هذا الاستقبال إنها من شركة SOT التي كنت قد سمعت عنها و قرأت كثير عن إعلاناتها !

واعجبتني الفكره ... ودخلت تلك الدوره ( دبلوم إدارة المستشفيات والسجلات الطبية ) وبدأت فيها حياة جديدة ... واقنعت نفسي بأن اجاهد فيها .... وكانت أجمل أيام حياتي فيها ... من نظام دراستها

 ونظام العملي فيها .... وفي آخر لحظه كان يوم جميل كنت أتمناه منذ صغري ... يوم تخريجي... كان حلم بالنسبة لي ...  والآن وبعد تخرجي بفترة قصيرة تقدمت لوظيفة في مستشفى X وقد تم قبولي من قبلهم ، والآن أعمل في هذا المستشفى بشكل رسمي بفضل الله . 

أود ان أخبركم أن الحياة لا تقف ع مبدأ واحد... وإنما المجهاده بالحلم  الذي كنت تحلم به ...سوف تصله بطريقة أو بأخرى 💜

بحب أشكر شركة SOT لمساعدتها لنا في تحقيق حلمنا ...🌸🌸

ياسمين الشويكي

●● أحد طالبات أكاديمية SOT تريد أن تشارك قصتها معكم :

مرحبا انا اسمي ياسمين الشويكي اليوم حابه احكيلكم قصه نجاحي بأكاديمية SOT وكيف فتحتلي ابواب لحياه جديده  ..  

 راح ابدأ من مرحلة التوجيهي ، كنت بنت همها الوحيد انو تطلع  وتفوت وتنبسط بحياتها  ، و من الناس إلي بكره اشي اسمه  دراسه  .. أمي كانت تحكيلي يابنت ادرسي مابتنفعك إلا دراستك وانا ابدا" مو مقتنعة ولا حتى حاسة بالمسؤوليه !!

 المهم طلعو النتائج ومتل ما كنت متوقعة  رسبت بالمواد  .. !  يعني مو كلهم كلهم بس اشي ومنو 😓

 بيوم من الأيام بعد فترة من التوجيهي  اجا نصيبي وتزوجت وفرحت وتوقعت انه الحياه بعد الزواج راح تكون عسل كلها طلعات وشمات هوا ومناسبات ودلال  ما كنت عارفه انها مسؤوليه ..! 😣 

 بلشت انصدم بالواقع خمس سنين من حياتي وانا متل ما انا  🙄 جبت بنت وكانت هي كل دنيتي 😍  وصار مشاكل بيني وبين زوجي ونفصلت عنو بعد5 سنين ما خليت هاد الشي يكسرني 💪 بالعكس بعد شهرين بالزبط  الله يسرلي شغل بمدرسة خاصه إدارية ( 3 سنين ) كنت كتير شاطره بشغلي بس كان في غصة بقلبي انو ليه الكل معه شهادة وانا لا ؟!!  ضل الموضوع شاغل بالي وتفكيري وانا احاول اعيد توجيهي

 ليوم بصدفة قرئت ع الفيس بوك اعلان عن أكاديمية SOT فرحت لانه كان وقتها عمري 27 سنة حكيت لو بدي عيد توجيهي بدي سنه والله اعلم انجح او لا وبدي ادرس جامعه ف هاي الأكاديمية بتخليني ادرس جوه الجامعه الاردنيه  وآخد شهادة معتمدة من وزارة التعليم العالي 😍😍

وفعلا رحت وسجلت  ودرست تخصص إدارة المستشفيات والسجلات الطبية والحمد الله كنت من المتفوقين في هاي السنه ورحت تدربت بمستشفى X شهرين واثبتت حالي و بعد ما خلصت فترة التدريب وتاني يوم برن تلفوني من نفس المستشفى _ كنت طالبه اشتغل عندهم بقسم لادخال والطوارئ _ الحمدلله تعبت ع حالي وخلال 3 شهور كنت ماسكه قسم الطوارئ لحالي 😃😃

•••  حابه احكي شغله : لاتخلو الفشل يسيطر عليكم خصوصا البنات ، في هاد الزمن لازم تكوني انتي فعاله لنفسك وللمجتمع وتأمني مستقبلك لاتحكي انو في شي ممكن يعوضك عن ذاتك !!  لأنه هاد الحكي مو صحيح .

 لما تتعبي وتشوفي نجاحك تفكيرك وأسلوب حياتك وكلك رح تتغيري بشكل إيجابي طبعا  ، لا تخلو أي شي يوقف بطريقكم الحياة مليانة فرص ~ والشاطر الي بعرف يتعامل مع الفشل وعدم النجاح بالتفائل والأمل والنجاح .. ما في مشاكل ما الها حل ، الحياة ما بتوقف ع شي أو حد ؛ الحلول موجودة بس انت دور عليها ☝   

وبعتذر إني طولت عليكم و أتمنى التوفيق للجميع ❤

ياسمين الشوبكي

أحد طالبات أكاديمية SOT تريد أن تشارك قصتها معكم :

مرحبا .. انا اسمي ياسمين الشوبكي ، اليوم حابة أشارككم قصة نجاحي بأكاديمية SOT وكيف فتحتلي أبواب وفرص جديدة بالحياة بعد فضل وتساهيل رب العالمين 💜

بدت قصتي لما كان عمري ١٧ سنة و بصراحة ما كان عندي اي حب او دافع لأكمل التوجيهي تخيلوا 😳!! يمكن كنت متخوفة من المجال الأكاديمي أو متخوفة من فكرة الفشل بحد ذاتها اه الفشل😓 !! 

الكل حاولو يغيرو فكرتي سواء عيلتي أو صديقاتي بس أنا اصريت أنه ما بدي🙊 ، مرت فترة قصيرة وحسيت إني لازم اعمل شي فقررت اتعلم مهنة وفعلا تعلمت مهنة الخياطة واشتغلت بخياطة المستلزمات الطبية ونوعا ما كنت مرتاحة ماديا ، بس بصراحة في فكرة كانت تراودني دايما أنه انا لازم يطلع مني شي ولازم يكون معي شهادة بالرغم من إني ما فكرت بهاد الموضوع بشكل جدي قبل هيك بس احنا بوقت الشهادة هي "السلاح" 💡🔑💪🏻 بالأخص للبنت وحكيت لأمي إني بدي ادرس وقتها امي استغربت😳 كتير معقول هاد الحكي طالع من بنتي!! " سبحان مغير الاحوال" وبدون شك امي انبسطت كتير وتشجعت للفكرة وكانت أول حدا دعمني .

ما تغلبت كتير لأخدت قراري لأنه كنت حابة مجال " الإدارة في التمريض " كنت بعرف عنه لأنه اختي درسته ، ومن هوون بديت مشواري ...

كان عندي حماس كبير وتاني يوم رحت ع أكاديمية SOT مواسم التكنولوجيا  وسجلت دبلوم الإدارة في التمريض مدته سنة بالجامعة الأردنية ! طبعا كلكم بتعرفو شو يعني الجامعة الأردنية😍😍 كنت طااايرة من الفرح بطريقة ما بتتخيلوها🙈 ، والشي الي شجعني اكتر أنه بهاد الدبلوم فيه فترة تدريب عملي يعني رح اتخرج ب خبرة وهاد يعني إمكانية اني اشتغل اسرع  ..

بدا دوامي وكانت كل يوم عن يوم عم بتزيد سعادتي بأني عم بعمل اشي رح يبني شخصيتي ويعطيني خبرة ويخليني حدا فعال بالمجتمع😌☺ ونظمت وقتي ما بين شغلي الخياطة وما بين دوامي بالجامعة ومن شغلي دفعت أقساط الدبلوم .

وبعد الفصل النظري بديت تطبيق عملي ب مستشفى لوزميلا و حاليا انا بفترة التدريب و عملت مقابلة ب واحد من المراكز الطبية في مجال الأسنان وبستنى الرد ✌🏻 وصحيح ما بدي انسى احكيلكم أنه اختي كمان عم تشتغل حالياً  بمجال الإدارة في التمريض وهاد الشي الي شجعني واعطاني امل كتييير كبير ☺🙈 .

الحمدلله حاسة بشعور كتير حلو ب اني حققت هدفي ب وقت قصير  

شاركتكم قصتي لأحكيلكم بأنه مافي شي بالدنيا صعب أو مستحيل الشغلة هدف، إرادة ، مثابرة ، تصميم ، مع حب وكتير من الإيجابية وأنه كل حدا قادر يطلع منه شي بالمجتمع .

#بعتذر_عالاطالة 

#الدنيا_ ارزاق_من_عند_ربنا 

#❤❤